|
|
| “Эрдэнэсуварга” компани багш, сурагчдын эрх ашгийг ноцтой зөрчиж байна |
МБСШУ-ны ажилтны ҮЭХ-ны Гүйцэтгэх хорооны гишүүн С.Зоригтбаатар:
-Чингэлтэй дүүргийн 39 дүгээр дунд сургуулийг “Эрдэнэсуварга” ХХК дулааны эрчим хүчээр хангаж, бохир, цэвэр усны асуудлыг шийдэх гэрээг 1992 онд хийжээ. Гэвч 1996 оноос хойш тус компани гэрээгээр хүлээсэн үүргээ хангалтгүй биелүүлж, сургуулийн халаалт муудаж, багш, сурагчид хэвийн нөхцөлд хичээллэж чадахгүйд хүрсэн байна. Энэ хугацаанд сурагчид ханиад томуу тусах нь түгээмэл болжээ. Иймээс тус сургуулийн захиргаа, багш, ажилчид, эцэг эхчүүд тус компанид “Халаат муу байна, уурын зуухны техник технологио шинэчлээч” гэсэн шаардлагыг удаа дараа тавьж иржээ. Харин тус компани тэдний шаардлагыг хүлээн авахгүй байсаар жилийн жилд өвөлтэй золгодог байж. Энэ жил ч байдал давтагдаж байгаа гэнэ.
“Эрдэнэ суварга” компани үүргээ биелүүлдэггүй хэрнээ улсын төсвөөс жил бүр 60 орчим сая төгрөг авдаг аж.
Компани гэрээгээр хүлээсэн үүргээ бүрэн биелүүлэхгүй байна гээд гэрээгээ цуцлах хүсэлт гаргатал 39 дүгээр сургуулийн захирлыг шүүхэд өгчээ. Мөн дүүргийн Засаг даргын орлогч, сургуулийн захирал, “Эрдэнэсуварга” ХХК-ийн удирдлага гурвалсан гэрээ байгуулдаг учраас гэрээ цуцлахад нэлээд хүндрэл гардаг байна. Түүгээр ч зогсохгүй Чингэлтэй дүүргийн Засаг даргын Тамгын газрынхан “энэ жилдээ хуучин компанитайгаа гэрээ хий, ирэх жилээс яахаа өөрсдөө шийд” гэх зэргээр 39 дүгээр сургуулийн захирал Ж.Чинбатад дарамт, шахалт үзүүлдэг гэнэ.
Уг нь Ж.Чинбат захирал сургуулиасаа 200 метрийн зайтай тавигдсан төвийн цэвэр усны шугамд холбогдохын тулд бүх бичиг баримтаа бүрдүүлж, холбогдох газраас нь зөвшөөрлөө авсан юм билээ. Гэтэл “Эрдэнэсуварга” компани 39 дүгээр сургуулийг төвийн шугамд холбуулахгүй гэж дарамт шахалт үзүүлж, ажлыг нь хийлгэхгүй байгаа аж.
Сургууль төвийн шугамд холбогдсоноор сар бүр 150 мянган төгрөг хэмнэхээс гадна багш, сурагчдынхаа аюулгүй байдал, эрүүл мэндийг хамгаалах боломжтой болох юм байна.
Мөн Чингэлтэй дүүргийн шүүхийн шүүгч Д.Даваасүрэн нь өвөлжилтийн бэлтгэл ажил ид хийгдэж байгаа энэ үед 39 дүгээр сургуулийг халаалт, дулаан, шугам сүлжээтэй холбоотой ямар нэгэн ажил гүйцэтгэхгүй байхыг даалгасан захирамж гаргасан нь хачирхалтай. Энэ захирамж 39 дүгээр сургуулийн хамт олны эрх ашгийг илт ноцтой зөрчсөн үйлдэл хэмээн үзэж дээд шатны албан тушаалтанд нь гомдол гаргажээ.
Асуудал ийнхүү хүндэрч, багш, сурагчдын эрх ашгийг нэг компани ноцтой зөрчиж байгаа учраас МБСШУА-ны ҮЭХ-ноос тус компанийн үйл ажиллагаа болон бодит байдалтай танилцжээ. “Эрдэнэсуварга” компани 39 дүгээр сургуулийн хажууд уурын зуух барьж, хашаан дотроо хоёр том нүх ухаж түүн рүү сургуулийн бохирыг хийдгээс болж ойр орчимд нь өмхий үнэртэж, хүүхдүүд хичээллэхэд хүндрэлтэй төдийгүй эрүүл ахуйн шаардлагыг ноцтой зөрчдөг нь тогтоогдсон байна. Түүнчлэн, олон жил халаалт муу байснаас сургуулийн хана мөстөн цуурч, эвдэрсэн байжээ. Компанийн удирдлагууд ҮЭ-ийнхэнтэй уулзахаас татгалзсан байна.
Хэдийгээр тус компанийн уурын зуух стандартын шаардлага хангахгүй, нөхцөл байдал муу байна гэдгийг мэргэжлийн хяналтын газраас тогтоон, Эрчим хүчний зохицуулах газраас үйл ажиллагааг нь энэ оны наймдугаар сарын нэгний өдөр хүртэл түдгэлзүүлсэн тогтоол гаргасан ч энэ компани гэм зэмгүй мэт, ажилласан нэр зүүсээр байгаа аж.
“Эрдэнэ суварга” компани улсаас хэдэн арван сая төгрөг авдаг ч халаалт яагаад доголддогийн шалтгаан нь сургуулийн эргэн тойронд барьсан оффисын байр, зочид буудал, үйлчилгээний төв, гарааш зэрэг хувийн объектоо давхар халаадагт байдаг гэнэ.
Төрөөс дээгүүр эрх мэдэлтэй энэ компанийн эзэн нь тухайн үеийн Зам, тээвэр, барилга, хот байгуулалтын яамны Авто замын газрын дарга Д.Бат-Эрдэнийн төрсөн дүү Д.Дагвадорж гэгч юм байна.
“39 дүгээр сургуулийн халаалтын асуудлыг шийдэхийн тулд төвийн цэвэр усны шугамд холбох ёстой. Тиймээс бид шийдвэр гаргах түвшний хүмүүстэй уулзаж, зохих шаардлага тавьсан. “Эрдэнэсуврага” ХХК нь шаардлагыг хүлээн авч үүргээ ухамсарлаж, үйл ажиллагаандаа бодитой дүгнэлт хийхгүй бол 39 дүгээр дунд сургуулийн 1700 гаруй сурагчийн суралцах таатай орчин, 80 гаруй багш, ажилчдын хөдөлмөрлөх нөхцлийг алдагдуулсаныхаа төлөө хариуцлага хүлээх ёстой гэдийг хатуу сануулж байна. Бид ч энэ асуудлыг ингээд орхихгүй, цаашид ҮЭ-ийн байгууллагын эрх хэмжээний хүрээнд Улсын гурван талт хэлэлцээр, бусад хэлэлцээрүүдэд тусгаж, ажлын хэсэг байгуулан тодорхой үр дүн гарах хүртэл ажиллах болно” гэж МБСШУА-ны ҮЭХ-ны Гүйцэтгэх хорооны гишүүн С.Зоригтбаатар ярилаа.
|
|
| SakTube.com - World Online Videos! |  |
|
| Сэтгэгдлvvд | | Сэтгэгдэл алга.
|
|
| Нэвтэрч орж байж сэтгэгдэл бичнэ.
|
|
Зевхен гишvvд vнэлэх боломжтой.
Vнэлэхийн тулд та нэвтэрч орох эсвэл бvртгvvлнэ vv.
Энэ бичлэгт vнэлгээ алга байна.
|
|
|
| SMS зар сурталчилгаа |
155021 |
155021 |
155021 |
Search |
Та манай [ SMS зар булан ]
-р зараа урсгахыг хүсвэл дээрх тусгай дугаарууд руу SMS илгээнэ үү.
Та бичиж буй зарныхаа урд Sms гэж бичээд нэг хоосон зай аваад мессэж зар, зарлалаа бичнэ үү.
Жишээ нь: Sms Mark2 mashin yaraltai zarna.
|
|
| Танд хэрэгтэй мэдээлэл |  |
|
| Форумын сүүлчийн бичлэгүүд | |
|
|
| Аюулгүй интернэт хөтөч |  Хэрвээ та манай сайтыг илүү хурдан, аюулгүй, найдвартай, алдаагүй
үзэхийг хүсвэл доорх зурган дээр дарж дэлхийн хамгийн шилдэг Mozilla
Firefox вэб хөтөч програмийг үнэгүй татаж авахыг MBE.mn таньд санал
болгож байна. |
|
|
Гар утсанд
Гадаад цомог
Оддын амьдрал
Кино ертөнц
Флеш тоглоом
Фото зураг
Програм
Вэб дизайн
Спорт
Видёо, клип
Ном товхимол
Дуу сонсох
18+ булан
Тоглоом
Оруулсан: 
Сайтын мэдээллийг ашигласан тохиолдолд сайтын нэрийг заавал дурьдана.
Mozilla Firefox 3.0.1+, 1024x768px