|
|
| “Шар тэнгис” -ийн ёроолд хойч үеэ бүү унагаарай |
 Монголчууд байгаль дэлхий, газар шороогоо одоо л хамгаалж хайрлахгүй бол нэлэнхүйдээ цөлжиж, ирээдүй хойч маань уух усгүй болж, ямархан зовлонд унахыг дүрслэн өгүүлсэн “Шар тэнгисийн тарчлаан” хэмээх өвөрмөц өгүүлэмжтэй цоо шинэ дуулалт жүжгээ Улсын драмын эрдмийн театрын уран бүтээлчид тоглож эхэллээ.
Энэхүү уран бүтээлийг Швейцарийн хөгжлийн агентлагийн Цөлжилтийг сааруулах төслөөс санаачлан, 60 сая төгрөгөөр санхүүжүүлсэн бөгөөд зохиолыг нь сэтгүүлч Б.Галаарид бичжээ. Тэрбээр урьд нь “Удам” уран сайхны кино, “Суудал” түүхэн жүжгээ олны хүртээл болгосон уран бүтээлч юм.
Жүжигт Монголдчуудын байгаль дэлхийгээ хайрладаг байсан уламжлал, энэ цагийн харалган байдал, ирээдүйд угтах гунигт дүр зургийг хурц зөрчил тэмцэл, сонирхолтой үйл явдалтайгаар дүрслэн үзүүлж чадсанаараа онцлог болжээ. Өнгө мөнгөний хойноос шунасан энэ цагийнхны нүгэлт үйл уул усны эздийг хүртэл хоорондоо зөрчилдөхөд хүргэж, зөрчил тэмцэл бодит ба хийсвэр хоёр ертөнцөд зэрэг өрнөнө. Улмаар хүмүүсийг өмөөрч хамгаалагч талынхан ялагдаж, уул, ус ургамал ногооны эзэд өөр өөрийн мэдлийн баялгаа хурааж авснаар ирээдүйн монголчууд тэнгис мэт хязгааргүй цэлийх элсэн цөлд уух усгүй шахам хоцорно. Тэдний амьдралын гол утга учир нь ус болох бөгөөд ус тойрсон хурц содон үйл явдал, гүн гүнзгий зөрчлөөр жүжиг үргэлжилнэ. Дуу, хөгжим, бүжиг нэлээд хувийг нь эзлэх энэ жүжгийн зохиол бүхэлдээ байгальд ээлтэй хандахын учир утгыг уран сайхны аргаар гаргасан зохиол бөгөөд урьд өмнө нь тайз дэлгэцийн бүтээлд гарч байгаагүй онцлог сонин шийдлээрээ өвөрмөц ажээ.
Тус жүжгийн найруулсан Ардын жүжичгин Б.Мөнхдорж “Зөвхөн Монгол орны төдийгүй дэлхий нийтэд “чимээгүй тахал”-ын хэмжээнд түгшүүр дагуулан тулгарч байгаа аюул бол яах аргагүй цөлжилт. Энэ тухай одоо яриад суухаас илүү тулгарч байгаа бодитой аюулыг мэдэрч, түүний эсрэг дорвитой арга хэмжээ авах цаг нэгэнт болжээ гэсэн санааг олон нийтэд хүргэхийн тулд Мерхолдын биомеханикийн системийг Брехтийн туульсийн театрын онолтой хослуулан модерн хэлбэрийн бэсрэг опера жүжиг болгон анх удаа драмын театрын тайзнаа тавилаа” хэмээсэн юм.
Жүжгийг үзэх тасалбарын үнэ суудлаасаа хамааран 4000-6000 төгрөг байх гэнэ. Тус жүжгийн хөгжмийг хэдхэн хоногийн өмнө Төрийн соёрхол хүртсэн хөгжмийн зохиолч Б.Мөнхболд бичжээ. Зураачаар Т.Аянга, ассистент найруулагчаар Ч.Түвшин, бүжиг дэглээчээр Т.Төгсөө, жүжгийн гол дүрд УДЭТ-ын жүжигчин Г.Алтаншагай, Ц.Баясгалан, Г.Урнаа, Ц.Цэрэнболд, Ж.Оюундарь, А.Алтантөр, Т.Хулан, Л.Дэмидбаатар болон тус театрын уран бүтээлчид тоглож байна.
Хэвлэлийн хурлын үеэр “Шар тэнгисийн тарчлаан”-ы хэсгээс сэтгүүлчдэд тоглож сонирхууллаа.
Тайз харанхуйлж гэрэл бүүдийлээ. Зуун жилийн дараах элсэн цөл болон хувирсан Монгол Улс. Охид, бүсгүйчүүдээ дусал усаар сольж, балга усны төлөө нэг нэгнийгээ хөнөөх монголчуудын эмгэнэлт дүр зураг. Хаашаа л харна элс, нэг ширхэг ч модгүй, ургамал ногоо, гол ус, араатан жигүүртэн огт үзэгдэхгүй, зах хязгаар нь харагдахгүй “шар тэнгис” үргэлжилнэ. Өнөөгийн бидний ухамсаргүй байдлын золиос болсон үр хойч минь балга усны төлөө амь тавин тэмцэнэ. Хөөрхий эх ангаж үхэх гэж буй бэр охиндоо балга ус уулгахаар омгийнхоо дүрмийг зөрчиж савтай усыг нь хулгайлна. Үүнээс үүдэн настай эхийг зодож, хүүгийн хамт элсэн цөлд орхиж явна. Эхийгээ эзэнгүй цөлд үхэж байгааг харсан хүү “биднийг яагаад ийм золиосны амьтан болгосон юм бэ” хэмээн цурхиран уйлна. Хөөрхий залуу уйлж суутал түүхийг гэрчлэх гэж үлдсэн ганц удган мод гарч ирэн өвөг дээдсийнх нь буруу үйлийг нэгд нэгэнгүй тоочин хэлж, үзүүлнэ. Энэ хэсэгт байгаль дэлхийгээ хайр найргүй сүйтгэж байгаа бидний амьдралыг харуулдаг. Жишээ нь, УИХ-ын гишүүд дархан цаазат газрын зөвшөөрлийг цуцлуулж, хувь шан хүртэнэ. Урд хөршийн нэгэн этгээд манай газар нутгийн баялгийн тухай шүлс гоожуулан ярьж, хэдэн төгрөгөөр хэнийг худалдаж авахаа төлөвлөнө. Бас нэг төрийн албан хаагч нөхөр туслах ажилтнаа байгаль орчны тухай ам ангайх л юм бол хяргачих шахан загнаж, хэл ам гаргасан хүмүүсийн “амыг хаа” хэмээн боодол боодлоор нь мөнгө шиднэ. Тэд хойч ирээдүйгээ ямар тамд тарчлаан үлдээж буйгаа огтхон ч анзаарахгүй. Тайз солигдоход хэсэг залуус голын эрэгт зугаацан сууна. Тэд “Яндаж болдоггүй далай шигээ, Яасан баян нутаг вэ” хэмээн согтуу хоолойгоор дуулж гол ус руугаа архины шил, хог новшоо шидэлнэ. Энэ бүхнийг золиос болсон хүү яг л кино үзэх мэт бүгдийг хараад байгалийн энэ том эргүүлэг, сүйрэл нэгэнт зогсолтгүй эргэснийг ойлгон тарчлан уйлна. Удган мод уул, усны эздээс ухмар мөчид хүмүүсийг эцсийн удаа уучлаач хичнээн гуйсан ч лусын эздийн итгэл нэгэнт цөхөрсөн учир уурсан хилэгнэж эргэж хэзээ ч ирэхгүйгээр дэлхийн гүн рүү шурган одоцгооход газар хувхайран цайж, гол мөрөн хатаж ширгэлээ…
…Байгаль эхийнхээ амийг тасалсан нүгэлт хүмүүсийн сүнс үл амирлах агаад үйлээ эдлэн шар тэнгист үүрд тарчлана…
Хэдийгээр энэ нь жүжиг боловч бодит үнэнийг уран сайхны аргаар үзүүлсэн л хэлбэр. Үнэхээр бидэнд ирээдүйгээ золиослох уу, үгүй юу гэсэн айхтар том шалгуур нэгэнт тавигджээ.
Ч.Даш |
|
| SakTube.com - World Online Videos! |  |
|
| Сэтгэгдлvvд | | Сэтгэгдэл алга.
|
|
| Нэвтэрч орж байж сэтгэгдэл бичнэ.
|
|
Зевхен гишvvд vнэлэх боломжтой.
Vнэлэхийн тулд та нэвтэрч орох эсвэл бvртгvvлнэ vv.
Энэ бичлэгт vнэлгээ алга байна.
|
|
|
| SMS зар сурталчилгаа |
155021 |
155021 |
155021 |
Search |
Та манай [ SMS зар булан ]
-р зараа урсгахыг хүсвэл дээрх тусгай дугаарууд руу SMS илгээнэ үү.
Та бичиж буй зарныхаа урд Sms гэж бичээд нэг хоосон зай аваад мессэж зар, зарлалаа бичнэ үү.
Жишээ нь: Sms Mark2 mashin yaraltai zarna.
|
|
| Танд хэрэгтэй мэдээлэл |  |
|
| Форумын сүүлчийн бичлэгүүд | |
|
|
| Аюулгүй интернэт хөтөч |  Хэрвээ та манай сайтыг илүү хурдан, аюулгүй, найдвартай, алдаагүй
үзэхийг хүсвэл доорх зурган дээр дарж дэлхийн хамгийн шилдэг Mozilla
Firefox вэб хөтөч програмийг үнэгүй татаж авахыг MBE.mn таньд санал
болгож байна. |
|
|
Гар утсанд
Гадаад цомог
Оддын амьдрал
Кино ертөнц
Флеш тоглоом
Фото зураг
Програм
Вэб дизайн
Спорт
Видёо, клип
Ном товхимол
Дуу сонсох
18+ булан
Тоглоом
Оруулсан: 
Сайтын мэдээллийг ашигласан тохиолдолд сайтын нэрийг заавал дурьдана.
Mozilla Firefox 3.0.1+, 1024x768px